So.14.03.21 Bericht zum Testspiel
FC Dürrenast Bb : FC Wattenwil
Besammlung:
11.15 Uhr beim Clubhaus
im Aufgebot waren:
Babak, Andrin, Gianluca, Lars, Ilyas, Micha, Joel S., Simon, Kristijan, Xhemail, Burhan, Lorik, Yann, Dario Roth
Bericht vo Küsu
Ändlech hets nach langem wieder mau e Match gäh! Dr Gägner het Wattewil gheisse, gäg die heimer im Herbscht knapp mit 3:2 verlore. Mir si eigentlech guet i Match cho, hei aber zwenig Chance kreiert, dass es für Wattewul wär gfährlech worde.
Me het gmerkt, dass es scho es Zytli här isch sit em letzscht Spiel u dass mer o Trainingsrückstand hei kah. Aber dä Andere ischs ja glich gange, drum ische es hin u här gsi. Bis zur 32 Min., wo Simu e schöne Pass i Louf het becho u allei ufe Golie zie. Souverän het er dr Bau zum 1:0 a ihm verbi gspiut.
Da het iz d Wattewiler äue gweckt, wiu nume grad 6 Min. speter het bi üs o scho igschlge. mit dam 1:1 simer o i di churzi Pouse.🥤
Ir 2. Hz. hei mir starch nache gla u hei ke eizigi Chance oder e Torschuss me chönne verbueche. Wattewil hingäge het iri Müglechkeite gnützt u isch nach guet ere Stund i Füerig gange. Viu hei mer nüme zugla, nume hets nache me umstrittene Rückpass u em Freistoss vo innerhaub em Füfer no einisch igschlage. Ds Schlussresultat vo 1:3 isch trotzdäm nid unverdient gsi. Für üs ischs aber wichtig gsi, ändleich wieder mau ufem Bitz z stah u chönne z Schutte!!
Hoffe nume, dass mer diesmau chli lenger chönne dranneblib... 😎⚽